سكت قلبى عن الكلام

سكت قلبى عن الكلام .... اول ما شاف حبيبه قدام .... كان هاين عليه
يضمه بايديه ... بس ازاى وهوه قدامه جاى وجنبه واحده .. قلبى كان حاسس بحاجه جواه
ان اللى معاه ... تبقى حبيبته اللى سابنى علشانها .... وكنت فى يوم من الايام مكانها
.... بس ياقلبى ده مجرد احساس .... بتبنى ده على اى اساس .... اصبر وشوف ... من
غير كسوف .... لقيته قرب عليا وعنيه باصه عليا ... لحد ما جه قدامى ... مد ايديه
مستنى سلامى ... سلمت عليه وايديه زى ماهيه... مليانه حنيه ... بصيت للى معاه ...
لاقانى هموت واعرف مين اللى وياه ... قال احب اعرفك ... وشى جاب الوان ... خايفه
يكون هو اللى قلبى حاسه كمان ...قالى ديه
اللى قلبى عرف معاها طعم الحنان ... قالى ديه حب عمرى اللى جاى من الزمان
... ومش هبعد عنها مهما كان ... وطلع احساسك صح ياقلبى .... عينى دمعت وقلبى وقع
منى .... سكت كان غصب عنى ... انى ابكى قدامه كنت فاكراه حته منى ... دلوقتى بقى
بعيد عنى .... بصت عينى لعنيه ... وهيه بتقوله عملت فيا كده ليه ... كان قلبى عملك
ايه ... سلمت عليها قولتلها مبروك ... وانا قلبى مزروع فيه شوك ...مقدرتش اقوله اى
كلام ... بحاول ارسم ابتسامه الاوهام ... مقددرتش اقوله حتى سلام .....ومشيت وبعدت
عنهم بعيد ... كنت فاكره انى بحلم اكيد
....بس ده كان حقيقه بموت كل دقيقه ... ليه الدنيا بتاخد مبتديش .... ليه احب حد
محبنيش ... بس هوده قدرنا ... حتى لو مكنش اختيارنا