قصيدة مثايل ؟ قوة في الاعتزاز !!

اقدم بين ايديكم قصيدة مثايل
لسمو الشيخ: ناصر بن حمد آل خليفة نجل ملك البحرين
حفظه الله ورعاه

يقول::

هات القلم بكتب قصيدي على شــــان
أختار لي بين المثايل مثـايـــــــــل

دام القصيديمثل شــــــعور الانســــان
باحاول أعطي عن شعوري دلايـل

و أنا حسب عرفي على مــــر الأزمــان
عند النشاما ماتضيع الجمايـــــــــل

و من يفعل المعروف ماهوب خســران
دام النوايا بيض والشك زايــــــل

والحكي في بعض المواقيـــف نقصـــــان
لاصارعقب الحكي ما من صمايـل

إفعل وتلقى لك مع النـــاس عنـــــوان
وتلقى مكانك فالصفوف الأوايـــل

وانا وريث أهل العطايـا والأحســـان
أهل المبادي و الكرم والفعايـــــــل

نعطي و يرجح بالعطا كـل ميــــــزان
ونقدم الجزلات للأهل الجزايـــــل

عاداتنا لاجات روغات الأذهـــــــان
نلقى لنابين الوسايل وسايــــــــل

للخيل خياله و للحـرب فرســــــــان
وللضد ضد وللسلايل سلايـــــل

حنا هل الوقفات في كـــل ميــــــدان
أهل العزاوي متعبين الأصايـــــل

ياماركبناها بلا ســــرج و عنــــــان
و ياما ردعنا فوقها كل عايـــــل

وياما حذفنا الروس من فوق الأمتان
وياما سترنا ناقضات الجدايــــل

حنا نفك رقاب ونحـــرر أوطـــــــان
ونعدل الوقت الردي لاتمايــــــــل

هذا الكلام الصدق من قلب ولســان
ما هو كلام أهل الحكي والتحايــل

و إللي يبي للعلم أدلــه و بــرهـــــان
يرجع لتاريخ العرب والقبايــــــل

يحق لي لاقلت أنا عــالي الشـــــان
(مادامني من صفوة عيال وايـــــل)

وشكرا على النقل الرائع والجميل
تسلم الايادى